Trump, Putin naka-abot na sa military facility sa Alaska
Ilusad ang US-Russia Summit sa Anchorage Alaska, ning adlawa.
Gitakdang magpulong sila US President Donald Trump ug Russian President Vladimir Putin.
Pinakasentro sa ilang hisgutanan ang ceasefire sa gubat sa Ukraine.
Si Trump mipadayag sa iyang tinguha nga mahunong na ang tanan porma sa pag-atake kay nagresulta kini kapin tolo ka tuig nga binayluay sa mga raketa, missile ug pagkagusbat sa daghang mga balay, government facilities, public parks ug mga tunghaan.
Gibana-bana ang kapin 60,000 – 100,000 ang patay sa Ukraine, samtang kapin 250,000 ka tawo ang nakabsan sa Russia, epekto sa walay hunong nga gubat.
Segun sa gobyerno sa Kiev, anaa sa kapin 400,000 ka mga sibilyan ug militar ang samaran sukad mi-ulbo ang gubat sa Pebrero 24, 2022.
Samtang ang Moscow, mitala sa 950,000 ang samaran.
Sa pagkutlo ning balita si Putin, gi-ubanan sa iyang mga opisyales sama ni Foreign Minister Sergey Lavrov.
Si Trump gi-eskortehan ni Secretary of State Marco Rubio kuyog ang iyang defense team.
Wala sa listahan sa makigpulong nila Trump ug Putin si Ukraine’s President Volodymyr Zelenskyy
