CAGAYAN DE ORO CITY – Walay plano nga mo-concede o mosibog na si US Pres Donald Trump sa iyang kandidatura batok sa padayong nag-una sa hagpatay sa balota ug electoral votes nga si Democrats Presidential Candidate Joe Biden sa Amerika.
Kini bisan nga nakuha ni Biden ang pag-una sa mga boto sa pipila ka most battle states nga giilogan nila ni Trump hangtod ning adlaw.
Namahayag si Trump nga anaa na sila sa full scale sa pagduso’g election complaint tungod sa ilang pagtoo nga dunay lapad nga pagpanikas sa kampo ni Biden bisan sa iyang giingong kadaugan.
Samtang kalmado lamang si Biden ug gihangyo ang iyang suporters nga tahuron ang proseso sa piliay.
Kini tungod kay gamay na lamang ang kulang ug ma-deklarar na sila nga modaug batok kang Trump.
