CAGAYAN DE ORO CITY – Dili imbento nga senaryo apan lehitimo nga pagkutlo unta sa kinabuhi ni kanhi US President Donald Trump ang gidangatan niini nga pagkapusili samtang mihimo’g presidential campaign sa Butler, Penssylvania,USA kagahapon sa buntag oras sa Pilipinas.
Kin ang nakita ni Atty Antonio Soriano, convenor sa Citizens Watch for Good Governance CWGG -10 sa nakapatay-og nga hitabo kang Trump dili lang sa Amerika apan sa tibuok kalibutan.
Miingon si Soriano nga lisod pamatud-an nga mugna-mugna lang sa kampo ni Trump aron makapalig-on sa iyang kandidatura batok kang incumbent US Pres Joe Biden.
Namahayag si Soriano nga dako’g pabor nga epekto kang Trump ang pagpusil kaniya kay kon sulod ning semanaha himoon ang piliay,segurado nga mapildi niya si Biden.
Apan dako pa’g tsansa nga makabangon si Biden kinsa gilayong mitawag kang Trump aron pangumustahon ang kahimtang niini ug gikondinar ang linu-og nga hitabo.
Kini tungod kay may sobra tulo ka bulan pa sila nga mangampanya nga kaya bawion sa Democrats ang nakuha nga pabor o abante ni Trump batok Biden.
Kini ang unang hitabo sa kasaysayan sa Amerika nga dunay kandidato pagka-presidente nga samtang nangampanya,gipusil sa giingong kapartido gamit ang rifle.
