ESTADOS UNIDOS – “Double celebration ang 4th of July” alang sa supporters ni Republican presidential aspirant Donald Trump.
Kini ang gibutyag ni Noor Moraña, Bombo International News Correspondent sa Houston,Texas,USA.
Miingon si Moraña nga giselebrar na sa Republicans ang sayo nga kadaugan ni Trump, gikan sa resulta sa unang debate batok US Pres Joe Biden kinsa standard bearer sa partido Democrats.
Kini naglakip usab nga ruling sa ilang korte suprema nga mihatag immunity niini tanan niyang kaso.
Ning tuiga,giselebrar sa Amerika ang ilang ika-258 ka tuig nga anibersaryo sa kaugalignan.
Dugtong niini,wala pa’y komento ang Biden administration sa “double celebration” sa mga Republikano sa 4th of July celebration didto sa Amerika.
Sa interbyu sa Bombo Radyo kang Nikko Salvaña Duterte iyang gikompirma nga pinakabibo ang selebrasyon sa ilang Independence Day ning adlawa kay daghang fire works gikan sa managlahing estado.
Hinoon, wala natala nga mga dautang hitabo sa pagtabo sa selebrasyon ning adlawa.
Samtang gihulatan nila ang televised speech ni Biden alang sa iyang labing ulahing 4th of July Celebration sulod sa White House kuyog ang iyang pamilya.(Bombo Anne Quileste).
