CAGAYAN DE ORO CITY, Philippines – Gimanduan sa Department of Labor and Employment (DOLE) ang private sector nga tumanon ang gabayan sa paghatag sa hustong suhulan sa tanan empleyado nga nanarbaho sa managsunod nga special ug regular holidays sa Pilipinas.
Maoy gitumbok sa DOLE ang tukmang kwentada sa suhulan sa Agosto 23, Ninoy Aquino Day, usa ka special non-working holiday alang sa public ug private sector.
Musunod niini ang Regular Holiday sa ika-Agosto 26 alang sa selebrasyon sa National Heroes Day.
Lauman ang double pay alang sa mga magduty sa maong adlaw, kon makadawat sa 200% nga kinatibuk-ang suhulan.
Dugang 30% ang dawaton sa mga nagtrabaho sa Ninoy Aquino Day.
Dinhi sa syudad sa Cagayan de Oro, sama sa gilauman, pabiling optional ang pagpatuman sa special non-working holidays ang Agosto 27, bespiras sa Pista, ilabe na sa mga barangay nga muselebrar sa ilang piyesta.
Samtang ang mismong adlaw sa Pangilin ni Sr San Agustine, sa Agosto 28, kini maoy mag silbing special non-working holiday sa syudad, subay sa nakalatid sa subay Republic Act no. 9644 o mas naila isip “AN ACT DECLARING AUGUST 28 OF EVERY YEAR A SPECIAL NONWORKING PUBLIC HOLIDAY IN THE CITY OF CAGAYAN DE ORO”.
Ang tanan manarbaho sa maong adlaw makadawat sa 30% nga patong sa ilang regular nga suhulan.
