Pabilin nga nagbiyahe ug walay tigil pasada ang Northern Mindanao Federation of Transport Service Cooperative human gipamatud-an ni NOMFEDTRANSCO President Luzminda Escobidal nga natubag na sa gobyerno ang hangyo sa grupo.
Subay sa panagtagbo sa mga awtoridad, opisyal nang gipatuman sa Department of Transportation ang fare hike sugod kagahapon nga Lunes.
Dugang pa ni Escobidal, nabawi usab sa sektor ang 12 pesos nga fuel discount ug ang 18 ngadto sa 20,000 pesos nga monthly subsidy diin bitbit na ang tseke niini.
Tungod niini, gihulat na lamang sa NOMFEDTRANSCO ang dugang fuel allocation gikan sa 150 nga himuong 300 ka litro matag semana aron makasugakod ang mga drayber karong panahon sa krisis.
