Gi-depensa ni ACT-CIS Partylist Representative Erwin Tulfo ang pagdagan sa iyang usa pa ka igsoon nga si Ben Tulfo sa pagkasenador alang sa 2025 elections.
Namugos si Tulfo nga wala nila gi-endorsar ang political dynasty sa isyu sa pagserbisyo sa katawhan o paghupot sa dakung poste sa gobyerno.
Miingon si Tulfo nga ilado ang pamilyang Tulfo isip “pro-poor” ug nasulayan na ang ilang serbisyo ug dedikasyon sa pagtabang sa mga linupigan.
Kung palaron, ang tu brothers mukulit sa kasaysayan sa natad sa politika sa nasud isip labing unang managsuon nga dungang manarbaho sa hawanan sa senado.
Wala pay komento si Senador Raffy Tulfo sa pagdagan sa iyang duha ka igsoon.
Una niini, naila si Ben, Erwin ug Raffy Tulfo isip mga magsisibya sa radyo hangtud nahimong mga TV news anchor ug social media broadcasters.(Bombo Anne Quileste).
