Gikuwestiyon ni Senador-Judge Raffy Tulfo ang depensa ni Bise Presidente Sara Duterte kon siya ba mismo ang naghimo sa iyang Statement of Assets, Liabilities and Net Worth (SALN) o adunay laing tawo nga nag-andam niini.
Mitubag si lead counsel Shiela Sison nga sa hustong higayon pa nila hisgutan ug itubag kinsa gyod ang naghimo sa maong SALN.
Gipamugos ni Tulfo nga importante nga ipresentar sa depensa ang tawo nga responsable sa pag-andam sa dokumento aron mas masabtan ang mga nakitang kalainan sa mga rekord.
Gituohan sa senador nga makatabang kini sa pagpasabot sa posibleng dili pagtakdo sa SALN ug sa ubang financial, corporate, ug real estate records.
