Ipamugos ni Senador Erwin Tulfo nga ipatuman ang livestreaming sa tibook proseso sa Bicameral Conference Committee Meeting sa Kongreso alang sa 2026 national budget.
Namahayag si Tulfo nga bisan daghan kongresista ang mubabag niini, iyang paningkamutan nga abagan siya sa publiko ug sa panawagan nga mahimong bukas sa katawhan ang ilang pagbahin-bahin sa pondo.
Subli, nagpadumdum ang senador nga walay katungod ang kongreso nga sirad-an ang ilang pultahan sa publiko ilabe na nga ang national budget kwarta sa katawhan ug dili nila personal nga salapi.
