Gisugyot ni senator-judge Raffy Tulfo nga unahon si kanhi senador Antonio Trillanes sa witness lineup sa impeachment trial batok kang Vice President Sara Duterte.
Matod pa ni Tulfo, mas maayo nga si Trillanes ang unang motestigo kay adunay kalabotan ang iyang posibleng pamatuod sa mga impormasyon sa bank account nga iyang nakolekta kaniadto.
Human kaniya, mas masabtan na dayon ang mas klaro nga testimonya sa mga opisyal sa Anti-Money Laundering Council (AMLC).
Ang maong suhestiyon nahimong bahin sa diskusyon sa prosecution team sa padayon nga impeachment trial sa Senado, diin gitinguha nga mas organisado ug mas epektibo ang presentasyon sa mga saksi.
