CAGAYAN DE ORO CITY-Patay ang human mapusili ang robbery suspect samtang nasikop ang kauban niini sa Agrosite,Maramag,Bukidnon kagahapong adlawa.
Giila ang napatay’ng biktima nga si Donnie Tecson Torrejas,hingkod ang panuigon ug sikop usab si Role Abalde Torrejas.
Matud ni PNP regional spokesperson Supt Lemuel Gonda nga gisulaya’g tulis sa mga suspek ang Palawan Pawnshop dihang paspas nga naka-responde ang kapolisan hinungdan nga nahitabo ang pag-neutralize kanila.
Nakuha gikan sa namatay’ng biktima ang kalibre 45 ng armas nga loaded sa lima ka bala,granada ug shabu.
Sa pagkakaron,gipaubos na sa pag-imbestigar ang dinakpan nga si Abalde alang sa palig-on sa kaso nga ipasaka sa kapolisan batok kanila.