CAGAYAN DE ORO CITY-Nailad sa tigdumala sa usa ka balay-patigayon ang tulisan nga bu-ot motulis sa ilang kinitaan diha sa Pres Sergio Osmenia Extension ning syudad kagahapon sa hapon.
Kini human gilipat sa Cathy Querwela,supervisor sa FMN Agriculture Supply Incorporated nga wala kaniya ang halin sa ilang tindahan hinungdan nga nataranta ang suspek.
Gibutyag sa imbestigador nga si SPO1 Michael Fortunado sa Agora Police Station nga maoy nahinaykan sa tulisan ang corn canvasser nga si Rogelio Trego kinsa nakuhaa’g kapin 2-mil pesos cash.
Gibunalan pa sa suspek ang ulo sa biktima ayha gikuha ang salapi ug misibat sakay sa walay plate number nga motorsiklo.
