CAGAYAN DE ORO CITY-Nasikop sa kapolisan ang usa sa mga suspek nga mitulis sa negosyante nga unang nakuhaa’g 300-mil pesos samtang nagpasukli sa bangko sa Gingoog City.
Miingon si Supt Ariel Philip Pontillas,commander sa Gingoog City Police Office nga nasikop nila ang wala pa panganli nga suspek samtang pasakay sa bus dihang naatangan sa Brgy Santiago,Gingoog City.
Dugang ni Pontillas nga positibo ang pagkaila sa ginang kaniya.Gilugwa na usab ug anaa sa social media ang cartographic sketch sa usa sa mga suspek nga namay-ungan sa biktima.
Nasayran nga nagtanyag sa 100-mil pesos nga reward money ang mga negosyante sa Gingoog City aron madali ang pagsulbad sa kremin.
