Nakaabot na sa probinsya ang tulo ka 40-footer container vans nga nag-contain sa mga nagkalain-laing medical supplies alang sa provincial hospitals sa Misamis Oriental.
Gibutyag ni Ekonomista ug Former Vice Governor Joey Pelaez nga gikan sa Estados Unidos ang maong mga kagamitan pinaagi sa pakigtambayayong sa Children’s International Philippines Incorporated ug Development Center for Future Leaders.
Gisugdan na ang pag-sort sa mga kargamento didto sa bodega uban sa Provincial Health Office aron i-turnover sa walo ka mga ospital sa probinsya sa sunod nga semana.
Gilauman nga dako ang matabang sa maong mga kagamitan sa panalipod ug pagtambal sa mga pasyente labina ang gikan sa mga gagmay nga komunidad.
