CAGAYAN DE ORO CITY, Philippines – Gipangulohan ni Comelec Chairman George Erwin Garcia ang seremonya alang sa pagdawat sa ilang ahensya sa mga bag-ong printing machines ug ang programa sa test ballots, kagahapon.
Gihimo ang aktibidad sulod sa National Printing Office o NPO sa Diliman, Quezon City.
Gibutyag ni Garcia nga makasaysayanon ang turnover ceremony tungod kay Pilipinas pa lang ang unang nasud nga makagamit sa labing world class ug hightech nga printing machines sa tibook Asia.
Kauban ni Garcia sa pagsil-ip ug pagdawat sa bag-ong printing machines sila National Printing Office (NPO) Director III Arjay Lim, Comelec Commissioners Ernesto Maceda Jr. ug Rey Bulay. Ang seremonya gitambungan ni Miru Inc. Vice-President Cho Song Rea ug iyang delegasyon.
