CAGAYAN DE ORO CITY- Giduaw ni actor Gerald Anderson ang mga bakwit nga nakabalik na gikan sa evacuation centers tungod sa kagubot sa Marawi City.
Kini human tuyo ipaabot sa actor ang iyang pagbati ug paninguha nga makabalik na sa normal ang Marawi City nga gi-atake sa grupong Maute-ISIS.
Gisudlan usab ni Anderson ang pipila ka bahin sa main battle area nga kontrolado sa militar.
Una nang nakig-boodle fight ang actor kuyog ang mga sundalo nga kabahin sa nagbantay aron dili na subli atakehon ang Marawi City.
Si Anderson ang kanhi may pelikula nga naghisgot sa kinabuhing sundalo diin kini gipahinungod niini sa Marawi soldiers dihang miulbo ang giyera niadtong Mayo 23 ning tuiga.
