MANILA – Proud ang Kapamilya actor TV host ug Makati City Councilor Jhong Hilario sa bag-ong kalampusan nga iyang nahuptan.
Kini human gimantala ni Jhong ang iyang hulagway nga sila mitapos sa Masters Degree sa Public Administration sa World Citi College kagahapong adlawa.
Kuyog niya sa pagmatrsa ug pagdawat sa diploma ang iyang kapikas, iyang inahan, ug anak.
Nahitabo ang graduation rite ni Jhong sa PICC Plenary Hall.
Gibutyag sa TV-performer nga naabtan siyang usa ka tuig sa pagtungha pinaagi sa modular program diin gaipadala kanila ang modules ug sila na ang bahala sa pagpangita sa libro alang sa ilang research.
Halos dili pa daw mag sink-in kaniya nga natapos na niya ang iyang masteral taliwala sa ka busy sa iyang iskedyul isip usa ka artista ug konsehal sa syudad.
Alang kaniya, dakung oportunidad ang pagtungha ilabe nga walay forever sa showbusiness.
Gitin-aw ni Jhong nga wala siyag laraw nga mudagan sa mas taas nga posisyon sa sunod piliay. (Bombo Anne Quileste).
