CAGAYAN DE ORO CITY – Napugos paggawas ang pipila ka mga pasyente sa Northern Mindanao Medical Center o NMMC human makasinati sa kusog nga linog ang syudad sa Cagayan de Oro bandang alas 9:22 karong gabii.
Base sa report sa Philippine Volcanology and Siesmology o PhiVolcs, nakasinati ang Northern Mindanao ug Davao Region ang dungan kon “TWIN SHAKING”.
Kini nagpasabot nga dungan nga naglihok ang kayutaan sa duha ka episentro sa linog diin usa niini ang Kadingilan Bukidnon nga gitay-og sa 5.9 magnitude ug 2.9 magnitude nga sa Digos City, Davao del Sur.
Dinhi sa Amihang Mindanao, lakip sa nakasinati epekto sa 5.9 magnitide ang:
Intensity V -Kidapawan City
Intensity IV – Davao City Cotabato City,Valencia City ug Cagayan de Oro City
Instrumental Intensities:
Intensity IV – Kidapawan City
Intensity III – Davao City
Una niini, miabiso sa Office of the Civil Defense OCD-10 regional Director Rosauro Gonzales sa tanan molopyo nga apektado sa linog nga magmabinantayon sa posibleng aftershocks.
