Gipatuman karong adlawa, Lunes, Setyembre 28, ang two-day civil service holiday sa Thailand alang sa mga kawani sa kagamhanan sa Bangkok ug 3 ka silingang lalawigan aron maminusan ang trapiko ug kalisod sa pagbiyahe taliwala sa grabeng pag-ulan.
Subay niini, gitin-aw sa gobyerno nga ang lakang nagtumong sa pagpadali sa paglihok sa publiko human miabot sa halos 300 mm nga ulan ang mibundak sulod sa 48 ka oras nga nagpaawas sa mga pangunang kalsada.
Gumikan sa hulga sa baha, gipahibalo sa Bangkok Metropolitan Administration nga gideklarar na ang ulohang dakbayan isip disaster-affected area.
Dugang pa niini, gipahayag sa Constitutional Court nga bisan sa gipatuman nga holiday, idayon gihapon karong adlawa ang gitakdang pagbasa sa desisyon bahin sa kaso sa piniliay sa Pebrero
