CAGAYAN DE ORO CITY-Naugdaw ang ikaduhang andana sa usa ka pinuy-anan diha sa Zone 5,Camansi,Brgy Iponan sa syudad kaganihang kadlawon.
Maoy okupante sa maong bahin sa gambalay si Michael Tejera kinsa nagsilbing caretaker usab niini.
Gibutyag SFO2 Samson Velarde sa Bureau of Fire Protection Bulua sub-station nga nagsumikad ang kalayo sa plangka sa koryente hinungdan sa sunog.
Hinoon,gilayong nakalinggawas sa sunog si Tejera ingon man ang okupante nga nag-abang sa silong nga bahin sa maong gambalay.
Inisyal nga 150-mil pesos ang damyos sa maong sunog.
