Nawala ang check and balance ug nag-hari ang tyranny of the majority sa pag-organisa sa BARMM Parliament human sa ilang session niadtong Oktubre 30.
Kini ang gibutyag ni Datu Tokz Bin Abdurrahman sa Save Bangsamoro Movement diin gipadayag niini ang kabalaka tungod sa pag-imbargo sa tanang major nga komite ug wala paghatag og lugar sa oposisyon ug sectoral representatives sama sa kabatan-onan ug kababainhan.
Gipasabot ni Abdurrahman nga kung wala’y lig-ong oposisyon ug puro na lang “yes sir” ang mahitabo sulod sa kapulungan, segurong madaot ang kontrol ug walay mag-obserbar sa mga balaod nga ipasar para sa katawhan sa BARMM.
