Gitakda nga makig-agbat subli sa boxing ring sila Mike Tyson ug Floyd Mayweather Jr. Apan giklaro sa ilang organizer nga usa lamang ka exhibition fight ang himoon sa mga beteranong boksidor sa Abril 25, didto sa Democratic Republic of Congo, ning tuiga.
Ang makasaysayanong away himoong sa Kinshasa, agig pagdumdum sa 1974 “Rumble in the Jungle” diin sila si Muhammad Ali ug George Foreman nag-atbang alang sa heavyweight championship. Si Tyson, 59 anyos, adunay rekord nga 50 ka daog, 7 ka pildi ug 2 nga walay sangka.
Ulahi kining nakig-away niadtong Nobyembre 15, 2024 batok kang Jake Paul, diin, napildi siya pinaagi sa unanimous decision sa walo ka rounds.
Wala pa siya nakadaog sa opisyal nga away sukad niadtong 2003. Sa laing bahin, si Mayweather, 48 anyos, pabiling wala’y pilde nga adunay rekord nga 50-0.
Katapusan siyang nakig-away sa usa ka exhibition match batok ni John Gotti III kaniadtong Agosto 24, 2024.
Hisayran nga kini na ang ikawalo nga exhibition fight ni Mayweather sukad miretiro, ug gipildi si Conor McGregor niadtong 2017.
Mahinumduman nga ang nasampit nga away unang gi-anunsyo niadtong Setyembre 2025 apan wala pa mihatag sa dugang detalye ang mga promotor sa boxing macth.
