(Update) CAGAYAN DE ORO CITY – Bisan ang United Church of Christ of the Philippines o UCCP ang mikondenar sa plano nga itukod ang casino sulod sa Limketkai Center ning syudad.
Miingon si UCCP Senior Pastor Ricardo Yanez Jr nga wala sila’y nakitang bug-at nga rason aron dapigan ang tinguha sa maong kampanya sa syudad
Nagtoo si Yanez nga pulos pagpalaum lamang ang dala sa maong pasugal ngadto sa nagpataya ug mga tayador.
Gihimo ni Yanez ang pagsupak atol sa pag-atubang sa representante sa Limketkai & Sons Incorporated ingon man sa religious ug academe sa konseho sa syudad kagahapong adlawa.
Si Yanez miingon nga pagguba sa pamilya ang dala sa pasugal nga casino nga imuntar dinhi sa dakbayan.
Una nang giangkon sa abogado sa maong kompanya nga si Atty Armand Khu nga dako’g ikatabang sa ilang plano ang pag-uyon sa syudad sa tukuron nila nga casino sulod sa business area nila.
Hisayrang giangkon usab sa maong kompanya nga nagsugod na ang pagtukod sa istraktura nga pahilunaan sa casino diin matibawas sa tuig 2018.
