CAGAYAN DE ORO CITY – Gi-imbestigaran ni Carmen Police Station commander Maj Erickson Sabanal ang pagpusil-patay sa PUJ driver nga dunay gikalalis nga nakasakay sa pribadong sakyanan diha sa Brgy Bonbon ning syudad.
Giila ang biktima nga si Cecilio Baang Jr,24 anyos,minyo nga nag-abang lamang sa Zone 2,Sitio Punta sa maong brgy.
Gibutyag ni Sabanal nga unang gikalalis sa biktima ang walay mailhi nga motorista sa Divisoria hangtod sa Marcos Bridge ug pag-abot sa Bonbon may naka-motorcycle in tandem suspects nga mipusil kaniya.
Nakaangkon sa mga igo ang likod sa biktima gamit ang kalibre 45 nga armas hinungdan sa kamatayon niini kagahapon sa hapon.
