CAGAYAN DE ORO CITY, Philippines – Mikomitar ang mga kanasurang sakop sa United Kingdom nga hatagan sa “ironclad support” o solidong suporta ang kampanya sa Ukraine batok Russia.
Ning adlawa, dumdumon sa mga Ukrainians ang ikatolo nga tuig o 3rd Anniversary sa pagpangatake sa mga sundalong Ruso ubos sa mando ni Russian President Vladimir Putin.
Sa pagtambong ni British Prime Minister Sir Keir Starmer sa Scottish Labour Party conference sa Glasgow, Scotland iyang gitataw ang baruganan sa nagkahiusang mga nasud sa Inglatera nga padayon nilang gipalig-on ang paghatag suporta kang Ukraines President Volodymyr Zelenskyy kinsa giipit ug gidagmalan ni US Presidente Donald Trump human niya kini tawga nga ‘diktador” ug maoy nagpasamot sa kagubot kuyog sa taktika nga gipatuman sa Biden Administration.
Sa kinatibuk-an, misaka pa sa bana-bana 12,600 ka mga sibilyan ang kompirmadong patay, ug 29,000 ang samaran sa tolo ka tuig nga gubat.
Gibana bana usab sa United Nations Red Cross ug Red Cresent nga misaka pa sa 800,000 ka mga sundalong Ruso ang namatay ug samaran sa nagpadayong pagpangatake sa upat ka rehiyon sa Ukraine.
Samtang dili muminos sa 10,000 ka mga Ukrainian Military ang namatay ug sa gubat.
