CAGAYAN DE ORO CITY – Gihupay sa DoH-10 ang kabalaka sa publiko kabahin sa local transmission sa duha ka variant sa COVID-19 nga gikan sa United Kingdom ug South Africa nga nakasulod na dinhi sa rehiyon.
Miingon si DoH-10’s Local Health Support Division chief Dr David Mendoza nga pabiling ang local COVID-19 variant nga unang nakasulod sa nasud ang paspas nga nakatakod sa katawhan sa Northern Mindanao.
Gibutyag ni Mendoza ang gilayong nahipos o isolate kadtong taga-rehiyon nga natakdan sa UK ug South African variants sa virus nga nakuha niini samtang anaa ang mga biktima sa kauluhan.
Gitumbok usab sa opisyal nga miabot sa 18-mil kapin ang kaso sa rehiyon epekto sa pag-relax na sa katawhan bisan nga anaa pa ang bayrus partikular dinhi sa syudad ug lalawigan.
