Nagkasinabot ang nasud sa Ukraine ug Russia sa usa ka temporaryong ceasefire sa gioukupahang lungsod sa Oleshky sugod sa Oktubre 27 pinaagi sa diplomatikong paningkamot ni US First Lady Melania Trump.
Tinguha sa maong kasabutan nga makasulod ang mga humanitarian aid, sama sa pagkaon ug tambal, ug aron dunay luwas nga dalan alang sa pagbakwit sa mga nahibiling residente sa maong dapit.
Gipadayag usab ni Ukrainian President Volodymyr Zelenskiy nga magpahigayon og bag-ong technical-level peace talks ang Ukraine, Russia, ug Estados Unidos didto sa Abu Dhabi sa unang bahin sa bulan sa Nobyembre.
Nahitabo ang maong mga diplomatikong lakang taliwala sa mga panagbikil kalabot sa limitasyon sa SpaceX Starlink communication system ug klasabutan sa Estados Unidos alang sa Russian diesel shipment.
Dugtong niini, malampuson usab nga gipahigayon sa duha ka nasud ang prisoner exchange, diin 207 ka servicemen ang nabalik sa matag panig. (raniel mahunyag)
