CAGAYAN DE ORO CITY – Gitoohan sa kapolisan nga anggulo sa illegal nga droga ang kabahin sa mga rason kon nganong gipusil-patay ang usa ka lalaki sa wala ilhing mga responsabli sa Zone 1,Brgy Sta Cruz,Tagoloan,Misamis Oriental.
Kini human nakaangkon sa igo pinusilan sa gitoohang kalibre 45 nga armas ug dinunggaban sa kutsilyo ang maong lalaki sa miaging Sabado sa gabii.
Giila ni Tagoloan Municipal Police Station deputy commander Capt Recxon Talines ang biktima nga si Gilberto Solis,43 anyos,ulitawo,walay trabaho nga nagpuyo sa Zone 9,Brgy Sihayon sa maong lungsod.
Gibutyag ni Talines narekober sa dala gamay’ng bag sa biktima ang drug paraphernalia,helmet ingon man sa maong crime scene ang kapsula sa kalibre 45 ug wala kabuto nga mga bala sa 9mm pistol.
Sa pagkutlo ning balita,kasamtangang nakahaya ang biktima sa pamilya niini sa maong lungsod ug gipangayo ang hustisya ang hitabo.
