Ulitawo naghikog kay nag-away sa iyang uyab?

CAGAYAN DE ORO CITY – Naghikog-patay ang 19 anyos nga ulitawo nga lalaki diha sa Purok 2,Brgy Loguilo,Alubijid,Misamis Oriental.

Giila ni Police Master Sgt Dennis Fabre,imbestigador sa Alubijid Police Station ang biktima nga si Joshua Pequio nga nagpuyo sa maong lugar.

Gibutyag ni Fabre nga unang nag-away ang biktima ug ang uyab niini nga babaye nga atua sa kauluhan sa wala gikabutyag nga rason.

Naghikog ang biktima pinaagi sa paghikot og bakus sa iyang li-og luyo sa ilang pinuy-anan.

Gisugyot sa kapolisan sa pamilya nga ipaubos sa otopsiya ang biktima kon ugaling may pagduda sila sa kamatayon niini.