CAGAYAN DE ORO CITY-Nasubo ang pamilya sa usa ka ulitawo nga nahulog-patay samtang nanguha’g mga unod sa prutas nga Lanzones sa Gingoog City, Misamis Oriental.
Kini human kalit nabali ang sanga sa maong kahoy hinungdan nahulog ang biktima nga nag-una ang ulo.
Miingon ang inahan sa biktima nga si Adelanda Silvano nga mismo ang agalon nga magtiayong mga pulis ang nagsugo sa iyang anak nga mang-harvest sa lanzones.
Apan wala magdahom nga kini mahulog samtang mipatong sa sanga samtang kamulo nanguha sa bunga niini kagahapong adlawa.
Nadala pa sa ospital sa syudad ang biktima apan paglabay sa pila ka oras nga pag-atiman sa mga doktor, hingpit na kining nahunusan sa kinabuhi.
