CAGAYAN DE ORO CITY – Giadam na kapolisan ang kasong murder nga ipasaka sa piskalya batok sa suspek nga mipusil-patay sa makalima ka higayon sa nakabangi niini nga negosyante sa buy & sell diha sa Sitio Mangtugbong, Brgy. Waterfalls, Balingasag, Misamis Oriental sa miaging gabii.
Unang giila ni Balingasag Police Station commander Maj Teodoro de Oro ang biktima nga si Jay Cabiling,24 anyos,ulitawo ug nagpuyo sa maong lugar.
Gibutyag ni De Oro nga dugay nga nga dunay bikil ang biktima ug wala una panganli nga suspek.
Siya miingon nga dili molayo sa bangi sa ginagmay’ng negosyo ang motibo sa suspek pagpatay nsa biktima.
Hisayrang kalibre 45 nga armas ang gigamit pagpusil sa suspek sa biktima hinungdang paspas kini nga gidala sa Northern Mindanao Medical Center apan pakyas nang masalbar sa mga doktor sa miaging gabii.
