Kilome Falls in Claveria, Misamis Oriental
CAGAYAN DE ORO CITY – Patay nang nakita sa mga otoridad ang 23-anyos nga ulitawo nga nahulog sa falls human mag-selfie sa may Man-ibay, Aposkahoy,sa Claveria Misamis Oriental.
Ang biktima naila nga si Marjun Jabagat, 23 anyos, residente sa Malagana, Claveria Misamis Oriental.
Sumala pa ni Police Sr. Master Sargeant Daniel Agusan, imbestigador sa Claveria PNP nga igo lang milabay sa Kilome Falls ang biktima kauban ang iyang mga higala dihang na-aghat kini nga mag-selfie tungod sa kanindot sa falls.
Nadigyas sa iyang gitungtungan nga bato ang biktima hinungdan nga nahulog kini padulong sa tubig. Nagtoo si Agusan nga tungod sa kusog nga current sa tubig, nabangga sa bato ang ulo sa biktima ug nalumos nga maoy hinungdan sa iyang kamatayon.
