CAGAYAN DE ORO CITY-Walay nakitang foul play sa kamatayon sa 24 anyos nga ulitawo human mapalgan ang iyang patay’ng lawas nga naglutaw sa suba sa Brgy Carmen ning syudad kaganihang buntag.
Giila ang biktima nga si Rosel Laganas, 24 anyos, ulitawo ug molopyo sa Zone-2 Brgy Carmen ning syudad.
Miingon si Jun Paderan, nagsagop sa biktima nga iladong palahubog ang iyang anak.Matag higayon nga magbaton kini’g kwarta gikan sa iyang paglabor sulod sa merkado sa Carmen, gilayon niya kining ipalit sa makahubog nga ilimnon.
Una niini, naka-angkon sa dakung liki sa ulo ang biktima hinungdan sa iyang hinanaling kamatayon.
Nagtoo ang ama-ama sa biktima nga nadigyas sa semento sa creek ang iyang sinagop ug nalumos tungod sa tumang kahubog.
Gipahiluna na ang patay’ng lawas sa biktima sa ilang panimalay.
