CAGAYAN DE ORO CITY – Gipangita pa sa kapolisan ang suspek pagdunggab-patay sa 25 anyos nga ulitawo diha sa Valenzuela Road,Brgy Lapasan ning syudad.
Giila ni Agora Police Station commander Maj Julius Saluta ang biktima nga si Sannyboy Calimpusan nga nagpuyo sa Brgy Nazareth ning dakbayan.
Miingon si Saluta nga dili pa nila masuta kon kinsa ang mga suspek ug nganong gidunggab ang biktima kinsa nagsilbi nga market laborer sa vegetable area sa Bulua ning syudad.
Nasuta nga nakig-inom ang biktima sa iyang kauban sa trabaho apan dunay kalit milusob ug nanunggab diin naigo siya sa hita.
Gidala pa ospital apan pakyas na kining naluwas sa mga doktor.
Unang gidala sa punerarya ang biktima ug gilayong nailhan ra usab sa mga tagtungod sa dihang kini nabalita sa kahanginan.
