CAGAYAN DE ORO CITY – Naghikog-patay ang 22 anyos nga ulitawo pinaagi sa paghikot sa iyang li-og sa pisi ug nagbitay sa punuan sa kahoy sa Corrales Abejuela Street ning syudad kaganihang kadlawon.
Giila ni Police Capt Abubacar Sumandar,hepe sa Police Station 1 Divisoria ang biktima nga si Asalyn Balandra ug nagpuyo sa Brgy Indahag ning syudad.
Gibutyag ni Sumandar nga mismo ang hinigugma nga si Mary Love Soriano nga taga-Lawisbra,Agora,Brgy Lapasan ang naka-diskobre sa nagbitay’ng lawas sa biktima.
Gitambagan sa PNP ang pamilya sa biktima nga ipaubos sa otopsiya ang patay’ng lawas apan una nang nakita nga walay ilhanan nga dunay foul play sa hitabo.
Gitoohan nga ang sobrang depresyon sa biktima ang rason sa paghikog-patay niini.
