CAGAYAN DE ORO CITY – Gipangita pa sa mga otoridad ug kon mahimo boluntaryo nang mo-surender ang driver sa Toyota Fortuner nga nakabangga-patay sa 24 anyos nga lalaki diha sa Osmeña -Yacapin Streets ning syudad sa miaging kadlawon.
Naila ang biktima nga si Joshua Buta nga nagpuyo sa Brgy 26 ning dakbayan.Saysay ni Cogon Police Station commander Maj Julius Saluta nga sakay sa motorsiklo ang biktima apan walay suwerte nga nakalas kay gibanggaan sa pribadong sakyanan.
Nasuta usab sa PNP nga dili orihinal nga plaka ang gigamit sa maong fortuner nga nakabangga kay lahi ang tinud-anay niini nga tag-iya subay sa record sa LTO -10.
Hisayrang sulod lamang ning semana,upat ka dugu-ang aksidente sa magkalahi nga bahin sa dakbayan ang natigayon diin pulos patay ang mga nagsilbing biktima.
