Gipalugwa sa bag-ong pagtuon sa Australia nga ang pagkaon nga taas sa ultra-processed foods (UPFs) makapaluya sa abilidad sa utok sa pag-focus ug makapadugang sa risgo sa dementia.
Gihimo kini nga pagtuon pinaagi sa pag-analisar sa pagkaon ug kahimsog sa utok sa kapin sa 2,100 ka mga tigulang nga wala pa’y dementia, ug nakit-an nga bisan gamay nga pagdugang sa UPF intake makapahinay sa attention span.
Giingon sa lead author nga si Barbara Cardoso nga ang 10% nga pagdugang sa UPF intake sama sa usa ka pakete sa chips kada adlaw adunay klaro ug masukod nga epekto sa focus ug cognitive test scores.
Ang mga partisipante nakakuha sa 41% sa ilang daily energy gikan sa UPFs sama sa soft drinks, packaged snacks ug ready-made meals.
Miingon ang mga eksperto nga ang ultra-processing makadaot sa natural nga estruktura sa pagkaon ug makapasulod og artificial additives nga makadaot sa brain function.
Hinoon wala pay pagtoon nga kini adunay direktang link sa memory loss ang nakit-an, apan ang pagkunhod sa attention mahimong makaapekto sa pagkat-on ug problem-solving sa dugay nga panahon.
