Giklaro ni LTFRB Region 10 Director Aljo Bendijo nga permanente na ug dili probisyonaryo ang bag-ong gipatuman nga umento sa pletehan sa mga pampublikong sakyanan.
Tungod niini, bisan kon mag-usab-usab o moubos ang presyo sa gasolina sa merkado, magpabilin gihapon nga sukaranan ang nahisgutang bag-ong singil sa plete.
Subay niini, gipatas-an na sa 65 pesos ang flag down rate sa traditional taxi samtang gipahimangnoan ang mga driver ug operator nga ipaskil ang pormal nga matrix sa dili pa ipatuman ang pag-recalibrate sa mga metro.
Gipasabot usab sa opisyal nga magpabilin gihapon sa 13.50 pesos ang matag kilometro ug 2 pesos sa matag minuto sa biyahe subay sa daang sistema.
