Mibati sa tumang kabalaka ang Office of the United Nations High Commissioner for Human Rights (OHCHR) sa US intervention sa Venezuela. Kini ang gipadayag ni OHCHR Spokesperson Ravina Shamdasani human nauyunan sa ilang konseho ang tin-aw nga kalapasan sa internasyonal nga balaod ug naghatag sa dakong hulga sa kaluwasan sa kalibutan. Mipasabot si Shamdasani nga ang “unilateral” nga aksyon sa US dili lamang nakadaot sa soberanya sa Venezuela apan nagmugna usab sa peligro nga makapahuyang sa kalig-on ug kalinaw sa internasyonal nga sistema. Subli, nanawagan ang United Nations nga tahuron ang sobereneya sa matag nasud kay taas ang posibilidad nga mosangpot sa mas lawom nga krisis ug hulga sa tibook kalibutan ang gihimo nga kamanduan ni US President Donald Trump.
