CAGAYAN DE ORO CITY, Philippines – Napagawas na sa United Nations (UN) ang ilang flagship report nga World Economic Situation and Prospects 2025.
Usa ang Pilipinas ang gidayeg ni UN Department of Economic and Social Affairs Economic Affairs Officer Zhenqian Huang isip labing lig-on ug nagbaton sa isog nga ekomoniya sa Habagatan-Sidlakang Asya.
Base sa forecast sa UN-DESA, posibleng musaka pa ang economic growth sa Pilipinas sa 6.2% sa 2026, gikan sa 6.1% sa tuig 2024.
Gidayeg usab sa ahensya ang 3.0 inflation rate sa nasud, ilabe na nga sulod pa kini sa 2-4% inflation forecast sa Pilipinas.
Nagsilbing top contributor sa baskog nga ekonomiya sa nasud ang igong singil sa mga produktong pagkaon, ug ang pagkunhod sa singil sa taripa sa imported nga bugas sa 35 hangtud 15%, hangtud sa tuig 2028.
Sa pikas bahin, nabalaka si Huang sa posibilidad nga makapaluya sa ekonomiya sama sa trade war gikan sa laing kanasuran, sama sa China, pagmahal sa ipatumang mga taripa sa mga imported goods sa tuig 2025 ug ang pag-igo sa managlahing kalamidad nga moresulta sa paghinay sa lokal nga produksiyon sa sektor sa Agrikultura.
