CAGAYAN DE ORO CITY – Gihagit ni Provincial Gov Peter ‘Senior Pedro’ Unabia nga ang mga mayores sa 23 ka lungsod ug duha ka component cities nga isalikway na ang kaugalingong interes aron mahaw-as sa kapobrehon ang katawhan sa Misamis Oriental.
Kini human angkona sa gobernador nga hangtod karon may mga mayores pa gihapon nga walay kooperasyon sa mga programa sa probinsya kay mas gipili ang kahugaw sa politika.
Miingon si Unabia nga kon dili gyud mokuyog sa PAGLAUM programs ang maong mga mayores,maipit usab ang mga residente niini kay malimitahan ang mga serbisyo nga matunol sa kapitolyo ngadto kanila.
Gihimo sa gobernador ang mensahe atol sa pagpaila sa Ms Kuyamis 2023 candidates sa publiko sa lalawigan kagahapong adlawa.
Hisayrang tulo ka kandidato pagka-gobernador ang nagtigi sa miaging eleksyon nga giapialn ni former City Mayor Oscar Moreno ug kanhi Misamis Oriental 2nd District Cong. Juliette Uy apan si Unabia ang nakakuha sa kadaugan tungod sa alyasan partido Padayon Pilipino ug grupong Paglaum.
