CAGAYAN DE ORO CITY – Opisyal nang giila isip elected provincial governor si Gingoog City Vice Mayor Pedro Unabia alang sa lalawigan sa Misamis Oriental.
Kini human natibawas na ang paghagpat sa mga balota sa 23 ka lungsod ug duha ka syudad sa lalawigan.
Gibutyag ni Misamis Oriental Provincial Election Supervisor Atty Alile Ramirez nga nakakuha si Unabia sa 248-mil 859 ka boto batok sa laing duha ka lig-ong contenders nga sila si Misamis Oriental 2nd District Rep Juliette Uy ug City Mayor Oscar Moreno.
Subli usab napili alang sa ikaduha nga termino si incumbent Vice Gov Jigjag Pelaez ingon man si incumbent 1st District Rep Christian Unabia samtang si incumbent Gov Bambi Emano na ang kongresista sa segundo distrito human pildiha niini sa laing higayon si kanhi vice governor Atty Julio Uy.
Samtang halos nagharos usab ang mga board member nila ni Unabia ug Emano nga nangdaug alang sa Sangguniang Panlalawigan.
Una usab niini,gipukan ni former three term city councilor Atty Nadya Emano Elipe ang kasamtangang mayor nga si Mayor Gomer ‘Enan’ Sabio aron makuha’g balik ang pagdumala sa maong lungsod.
Naggikan ang politika sa mga Emano sa maong lungsod nga unang nasugdan ni late former town mayor-provincial governor-city mayor Vicente ‘Dongkoy- Emano.
Si Bambi ang nakasunod kang Dongkoy ayha nasundan sa iyang uyuan nga si late Paulino ‘Tigre’ Emano sa taas nga katuigan.
