CAGAYAN DE ORO CITY – Giawhag ni Misamis Oriental Provincial Gov. Peter Unabia ang katawhan nga dili magpailad sa mga gisulti sa ilang mga kontra sa politika kabahin sa pagdumala sa kapitolyo-probinsyal.
Kini ang tubag ni Unabia kabahin sa pag-atake ni kanhi Misamis Oriental Vice Governor Joey Pelaez sa joint venture agreement tali sa A Brown Company.
Miingon si Unabia nga imposible ang pasangil sa ilang mga kritiko nga gibaligya niya ang provincial capitol assets.
Siya miingon nga naningkamot lamang sila nga makadani’g mga dagkong investors aron makakuha’g dugang kinitaan nga magamit sa paghatag trabaho sa katawhan ug pagpakunhod sa taas nga ihap sa kalisod sa lalawigan.
