CAGAYAN DE ORO CITY – Gipasalamatan ni DILG Provincial Director Marisia Naybe ang transition teams ni kanhi governor ug karon Congressman Bambi Emano ug incumbent Gov. Peter Unabia sa hapsay nga pagtugyan usab sa liderato sa kapitolyo probinsyal sa Misamis Oriental.
Miingon si Naybe nga angayang ihatag usab sa provincial capitol employees ang katibuk-ang suporta ug kooperasyon ngadto sa pagdumala ni Unabia sa lalawigan.
Nagdumdom usab kini alang sa team work aron mas ma-alagaran pa’g dugang ang katawhan sa probinsya.Samtang lauman ang puno sa disiplina gihapon nga pagdumala ni Unabia sa mga panudlanan ug mga trabahante sa kapitolyo ning lalawigan.
Kini ang tubag ni Unabia sa kinutlo nga panultihon nga gibatbat ni DILG Provincial Director Marisia Naybe kabahin sa bag-ong pagdumala sa kapitolyo-probinsyal.
Miingon si Unabia nga sa kanunay anaa ang iyang pagkamasinabtunon kay gikan kini sa kabus nga pamilya apan kon dili usab pagpanuko sa pag-disiplina kon may mga empleyado nga mosungag sa patakaran sa balaod sa kagamhanan.
