Milampus ang BRP Miguel Malvar (FFG-06) sa pagkompleto sa ilang unang opisyal nga misyon sa West Philippine Sea.
Miduyog ang barkong igugubat sa Pilipinas sa 7th Philippine-US Maritime Cooperative Activity (MCA) sa milabay’ng adlaw.
Ang misyon naglakip sa maritime exercises aron mapalig-on ang interoperability tali sa Philippine Navy ug US Navy.
Ang “fire support rehearsal” mao ang pinaka-importanteng bahin sa aktibidad nga gilangkoban sa US 3rd Marine Littoral Regiment (3MLR) ug Philippine Navy assets.
Sa maong misyon, ang BRP Miguel Malvar nasugat ang Chinese PLA Navy vessel nga nahimutang 10 nautical miles gikan sa ilang lokasyon, apan wala kini nagpakita sa agresibong lihok.
Gibutyag ni Capt. Paul Michael Hechanova, ang Commanding Officer sa BRP Miguel Malvar, nga nadetect sa ilang radar ang pagduol sa barko sa China, apan nagpadayon lang sila sa ilang training.
Kini nga deployment nagpamatud sa kapasidad sa BRP Miguel Malvar isip bag-ong naval asset sa Pilipinas, ug usa ka kritikal nga lakang sa pagpalig-on sa maritime security sa nasud.
