Nanumpa isip unang testigo sa depensa sa impeachment trial ni Bise Presidente Sara Duterte si Jaime Adalin, ang Davao City Assessor. Gipresentar siya sa kampo sa depensa aron pamatud-an nga ang propriyedad nga sakop sa Transfer Certificate of Title (TCT) nga gibutyag ni Duterte sa iyang Statement of Assets, Liabilities, and Net Worth (SALN).
Gikwestyon sa prosecution panel ang maong ebidensiya ug miingon nga adunay “glaring discrepancy” tali sa TCT ug SALN, ilabina sa acquisition value sa propriyedad.
Gikompirma usab ni Adalin nga ang Barangay Matina Crossing ug Barangay 74-A mao ra ang usa ka lugar, samtang gipresentar niya ang mga tax declaration ug property identification maps nga may kalabotan sa mga yuta ug building nga nakapangalan kang Atty. Manases Carpio.
Gitumbok sa mga dokumento nga ang usa ka yuta sa Juna Subdivision adunay assessed value nga P82,046 ug market value nga P1.86 milyon, samtang ang building sa maong lugar adunay assessed value nga kapin P5.24 milyon ug market value nga hapit P6.99 milyon.
