CAGAYAN DE ORO CITY, Philippines – Misamot pa ka daghan ang ihap sa mga tawong walay trabaho sa Enero, ning tuiga.
Pagsaysay kini ni Deputy National Statistician Divina Gracia del Prado, human mi-usbaw sa 2.16 milyon ka mga Pilipino ang walay trabaho, gikan sa 1.63 milyon niadtong Disyembre 2024.
Hinoon gihupay ni Asec Del Prado nga “seasonal” ang pagkawala sa trabaho sa mga pinoy tungod kay kasagaran sa mga na-layoff o namahuway mao ang trabahante nga anaa sa sektor sa holiday-related employment.
Kini nagpasabot nga temporaryo lamang ang ilang trabaho ubos sa contractualization program sa usa ka kompanya o korporasyon.
Sa pikas bahin, namahayag ang Philippine Statistics Authority (PSA) nga niadtong Enero 2025, ang employment rate sa Pilipinas misaka sa 95.7%, kundiin dugang 47.35 milyon ang nakadawat sa bag-ong trabaho.
Apan, sa susamang bulan, ang underemployment rate misaka usab sa 15.9%, gikan sa 12.9% sa Disyembre 2024.
