CAGAYAN DE ORO CITY – Gipabusikad sa 103rd Brigade ang mga nahibiling mga bomba nga iya sa Maute ISIS group didto sa Marawi City, kagagapon.
Nahitabo ang seremonya pipila ka kilometros gikan sa gitumbok nga mostly affected area kon MAA sa maong syudad.
Kini nga aktibidad, tipik sa duha ka adlaw nga pagdumdum sa kabayanihan sa 168 ka mga sundalo nga nagbuhis sa ilang kinabuhi aron mahuptan ang kalinaw sa Marawi.
Una niini, mikompirmar si Army Col Jose Maria Cuerpo nga himoon ang wreath laying ceremony, ning adlawa para sa mga sundalo nga namatay sa 2017 Marawi Siege.
