Nagpasamot sa humanitarian crisis sa Lebanon ang nagpadayon ug mas gipalapad nga giyera sa Middle East.
Segun sa report sa United Nations, anaa sa 84-ka bata ang namatay ug kapin sa 667,000 ka tawo ang mibiya sa ilang puy-anan tungod sa krisis.
Namahayag si Karolina Lindholm Billing, ang UNHCR Representative sa Lebanon nga ang HEZBOLLAH maoy nag-unang grupo nga gibasol sa ilang mga residente human ilado ang grupo nga nagsuporta sa Iran.
Gani, gibutyag ni Billing nga nagsibiling buhing saksi ang mga nangbakwit nga mga residente sa mga rocket ug drone gikan sa Israel nga mitugpa sa sentrong bahin sa Lebanon.
Mahinumduman nga nagpagula ang World Health Organization (WHO) sa ilang kaugalingong report nga misaka pa sa 486 na ang patay ug 1,313 ang samaran, lakip ang 259-ka bata, tungod sa mga pag-atake sa urban centers sama sa Beirut.
Ang UN Refugee Agency nanawagan sa mga world leaders nga undangan na ang pag-giyera kay nagpadayon ug saka ang kapaspason sa ihap sa migration sa mga refugees tungod sa binayluay sa missles ug drone sa Hezbollah ug Israel.
