Mi-angkon ang presidente sa United Drivers Association (UNIDA) nga na bahin-bahin ang ilang mga miyembro sa isyu sa pagsalmot sa transport holiday ning adlawa.
Mitin-aw si Joel Gabatan nga wala siyay katungod nga magbuot sa kagustuhan sa ilang mga drayber nga wala namasada ning adlawa, kay nasayud siya kung unsa ka mahal ang presyo sa gasolina ug krudo.
Gawas niini, gitin-aw ni Gabatan nga lapad nga ihap sa ilang mga miyembro ang namasada ning adlawa kay bisan gamay ang ilang kinitaan, makapamalit gihapon silag bugas ug sud-an sa ilang anak.
Hinoon, nagkahiusa ang tanan sakop ni Gabatan sa panawagan nga ihatag na ang ilang gipangayo nga subsidiya ug umento sa pletehan.
